Pobeda – Shkupi do të luhet të shtunën

Komisioni për Gara i Federatës së futbollit të Maqedonisë (FFM) ka ndryshuar orarin e ndeshjeve të javës së 23-t të Ligës së Parë dhe asaj të Dytë të futbollit të Maqedonisë.

Kjo është bërë me kërkesë të seleksionuesit të reprezentacionit të Maqedonisë, Igor Angellovski, i cili ka kërkuar këtë ndryshim shkaku që të ketë më shumë kohë për përgatitjet për ndeshjen kualifikuese për KB 2018 me Lihtenshtejnin dhe ndeshjes kontrolluese ndaj Bjellorusisë.

Për këtë shkak Komisioni për gara pranë FFM-s, ka pranuar kërkesën për të bërë dhe ndryshim të orarit, duke vendosur që ndeshjet e Ligës së Parë të luhen të shtunën me 18 mars me fillim nga ora 14:00.

Ndeshja Pobeda – Shkupi do të luhet të shtunën, ndërsa ende nuk është vendosur se në cilin stadium, pasi Pobeda këtë sezon nuk i luan ndeshjet në Prilep shkaku i punimeve, ndërsa si alternativ deri më tani luante në Ohër.

Share Now

Related Post

Përgjigjuni komentit