Shkupi nis garat në Kupë, me sfidën ndaj “Kit Go”

Pas hedhjes së shortit në selinë e Federatës së Futbollit të Maqedonisë, FC Shkupi mësoi emrin e skuadrës kundërshtare për javën e parë të Kupës së Maqedonisë.

Shkupi do të nis garat në kompeticionin më masovike të futbollit vendor me përballjen ndaj ekipit “KIT Go” nga Pehçeva, e cila aktualisht është anëtare e Ligës së Dytë – Lindje.

Ndeshja e javës së parë të Kupës së Maqedonisë do të zhvillohet më 22 gusht, në terrenin e skuadrës “Kit Go” në Pehçevë. Kjo përballje do të jetë në orarin e FC Shkupit në mesjavë, mes xhiros së dytë dhe të tretë të Ligës së Parë, pas takimit me Pobedën dhe para përballjes me Akademia Pandevin.