Për shkak të interesimit të madh për ndeshjen e të dielës kur edhe luhet derbi i javës në mes FC Shkupi dhe KF Vardar, nga dita e nesërme do të fillojë shitja e biletave për këtë ndeshje. Përkujtojmë se numri i biletave është i kufizuar shkaku i kapacitetit të stadiumit dhe ulëseve që ka, ndërsa njëherit ndeshja është shpallur e rrezikut të lartë, që do të bëjë dyert e stadiumit të mbyllen 30 minuta para fillimit të ndeshjes.
Shitja e biletave do të bëhet para stadiumit në pikëshitjen afër autolarjes në stadiumin e Çairit, prej të premten dhe të shtunën nga ora 10:00 deri në orën 17:00, si dhe ditën e ndeshjes.
Për informata plotësuese mundë të kontaktoni në numrin e telefonit +38970892244
Ndeshja Shkupi – Vardari luhet të dielën me fillim në orën 16:00.
