Bunjamin Shabani dhe kryesia e klubit me marrëveshje të përbashkët kanë prishur kontratën, e cila ishte e vlefshme edhe për dy vite. Me kërkesë të futbollistit i cili planifikon që karrierën ta vazhdojë jashtë vendit, klubi i është përgjigjur pozitivisht, duke e liruar Shabanin nga të gjitha obligimet.
FC Shkupi falënderon Bunjamin Shabanin për kontributin e dhënë gjatë këtyre dy sezoneve sa ishim së bashku, duke e vlerësuar kontributin e tij në arritjen e objektiveve të skuadrës.
Futbollisti 27 vjeçar, Bunjamin Shabani me Shkupin u bashkua nga janari i vitit 2017, duke realizuar 45 paraqitje, të plotësuara me gjashtë gola dhe një asistim.
