Sot në objektin e Federatës së Futbollit të Maqedonisë është bërë tërheqja e shortit për sezonin e ri futbollistik 2018/19. Shorti ka dashur që skuadra e FC Shkupit sezonin e ri futbollistik ta fillojë në transfertë, ku do të ketë përballë skuadrën nga Kratova, Sileksi.
Të përkujtojmë se kampionati i ri fillon me 12 gusht me fillim në ora 17:00, ndërsa para ndeshjes së parë Shkupi do të luajë edhe dy ndeshje kontrolluese, sot (e mërkurë) me fillim në ora 16:30 minuta në stadiumin e Çairit vjen skuadra nga Supeliga e Kosovës KF Gjilani, ndërsa me 5 gusht (e diel), po në Çair vjen skuadra tjetër kosovare, Feronikeli me të cilët ndeshja do të luhet në ora 17:00.
