Barazim me Makedonija GJ.P në Çair

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Skuadra ka zhvilluar edhe ndeshjen e tretë dhe të fundit kontrolluese në kuadër të përgatitjeve për sezonin e ri garues 2019/20. Takimi me Makedonija Gjorçe Petrovin i shërbeu trajnerit Umit Karan për të testuar formën aktuale të futbollistëve të tij, ndërsa skuadrat në fund u ndanë me barazim 2:2. 

Të parët që shkuan në avantazh ishin mysafirët, pasi realizuan qe në minutën e 2-të me anë të Sefer Eminit. Në vijim tentuam golin përmes Dembos dhe Bajramit, por nuk kishim finalizim. Ndërkohë mysafirët nga Gjorçe Petrovi rritën epërsinë në minutën e 17-të përmes Arbin Vosës. Deri në fund të pjesës së parë regjistruam raste të mira me Ismailin e Dembon, por që rrjeta e kundërshtarëve mbeti e paprekur në 45 minutat e para. 

Në fraksionin e dytë e nisëm me sulme dhe kërkim të golit. Fillimisht braziliani Sergio kishte rast të mirë, kur tentoi të mposht portierin nga jashtë zona, por topi shkoi skaj portës. Ndërkohë goli i parë erdhi në të 56-tën, kur Fatih Ismaili u ndal në mënyrë të palejurar në zonën e rreptësisë, ndërsa nga pika e bardhë i saktë ishte Jurina, duke ngushtuar shifrat në 1:2. Në të 76-të kishim rast ideal me Sabit Bilalin, por portieri mysafirëve doli më i suksesshëm, duke i mbrojtur dy gjuajtjet e mesfushorit tonë. Goli i barazimit erdhi pak minuta para fundit, me kapitenin Muharem Bajrami që realizoi nga gjuajtja e lirë për rezultat përfundimtar 2:2. 

Kjo ishte ndeshja e tretë dhe e fundit kontrolluese për Shkupin ne këtë fazë, pasi më herët luajtëm me Gostivarin dhe Prishtinën. 

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!