Barazim me Renovën në Çair

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Skuadra nuk ka shkuar më shumë se një barazim 2:2 në ndeshjen me Renovën të zhvilluar në Çair në kuadër të xhiros së tretë në Ligën e Parë të Futbollit të Maqedonisë së Veriut. Dy golat për bardheblutë i realizoi sulmuesi, Marin Jurina.

Fillimi i pjesës së parë nuk prodhoi futboll atraktiv, me të dyja ekipet që zhvilluan lojën në mesfushë. Skuadra jonë rastin konkret e regjistroi në minutën 18-të me Jurinën dhe Lamine që nuk arritë t’i zhbllokojnë shifrat. Mysafirët tentuan me Fisnik Zukën në të 38-të, por vetëm jashtë portës. Minuta e 42-të solli gëzim në taborin tonë dhe publikun vendas, pasi Jurina shënoi për 1:0 pas atij asisti që mori nga Sergio. Ndërkohë jo më shumë se 2 minuta, u ndëshkuam, me Renovën që barazoi përmes RemziFaik Selmanit. Në minutat e mbetura nuk kishte ndryshime në rezultat, me pjesën e parë që u mbyll me barazim 1:1.

Pjesën e dytë e nisëm me ndryshim, kur trajneri Umit Karan nga loja e largoi Musli Likën, ndërsa në vend të tij inkuadroi Darboe Dembon. Mysafirët kishin rast në të 72-tën me Ilirid Ademin që tentoi me kokë, por intervenoi bukur portieri Thulio. Në minutën e 83-të, pas një gabimi të Limine, Renova kaloi në epërsi me golin e Remzifaik Selmanit. Pas golit të pranuar skuadra u hodh në sulm për të kërkuar barazimin dhe fillimisht nuk shfrytëzuam dy rastet që kishim me Sergion dhe Dembon, ndërsa golin e barazimit e gjetëm sërish me autor Marin Jurina në minutën e 90-të. Bardheblutë deri në fund tentuan edhe golin e tretë, mirëpo fërshëllima e fundit e arbitrit ndau ekipet me nga një pikë.

Ndeshjen e radhës në kuadër të xhiros së katërt e luajmë kundër Struga Trim Lumit në transfertë.

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!