Barazim në derbin me Vardarin

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Derbin me FK Vardarin në kuadër të xhiros së 15-të në Ligën e Parë të Futbollit të Maqedonisë së Veriut e mbyllim me barazim 1:1. Diack Lamine shënoi golin për bardheblutë që në fund vlejti për një pikë të vlefshme nga kjo përballje.

Ndeshjen në stadiumin “Todor Proeski” nuk e nisëm mirë, ndërsa vendasit shfrytëzuan rastet e para dhe minutën e 14-të na ndëshkuan me gol, kur Zhunior gjeti rrjetën për kundërshtarët. Minuta e 18-të regjistroi tentimin e parë të ekipit në portën e Gaçevskit, me Muharem Bajramin që gjuajti nga distanca, ndërsa 5 minuta më vonë kapiteni sërish u orvat nga mesfusha me gjuajtje ma precizce, por që nuk arriti të finalizojë. Në vijim nuk kishim idenë që të gjejmë rrugën deri te gol i kundërshtarëve, ndërsa në minutat shtesë Igor Aleksovski na shpëtoi nga goli i dytë, kur intervenoi bukur në gjuajtjen e fortë të Kolevskit. Kujtojmë që në pjesën e parë për një moment arbitri kryesor i ndeshjes Josip Barton ndërpreu ndeshjen për disa minuta për shkak të thirrjeve anti-shqiptare nga tifozët vendas.

Në fraksionin e dytë, rastin e parë në portën e vendasve e kishte Ilieski që goditi mirë me kokë harkimin nga këndi, por në vijën fatale pastron mbrojtja e Vardarit. 68-të sërish ishte Igor Aleksovski që mbron tentimin e Kolevskit. Ndërkohë goli për bardheblutë erdhi në minutën e 72-të, me Diack Lamine që realizoi për 1:1. 10 minuta më vonë, Fatjon Jusufi kishte rastë të mirë për të avansuar, por gjuajtjen e mesfushorit tonë e devijoi në rëvënie nga këndi Gaçevski. Deri në fund krijuam edhe disa raste tjera, mirëpo rezultati mbeti i pandryshuar, duke u ndarë nga stadiumi “Todor Proeski” me një pikë.

Ndeshjen e radhës ekipi e luan të mërkurën kundër Akademia Pandevit në Çair.

 

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!