Broja: Jemi të gatshëm për një fillim të mbarë

Share:
Share on facebook
Share on whatsapp
Share on telegram
Share on twitter
Share on email

Me stërvitjen e paradites, sot kanë përfunduar përgatitjet për ndeshjen e parë të sezonit pranveror, që ekipi i FC Shkupit të dielën është mysafire e Sileksit në Kratovë.

Për këtë ndeshje ka folur zëvendës kapiteni i skuadrës bardhekaltër, Rron Broja, i cili ka potencuar se të gjithë së bashku do të japin maksimumin për të nxjerrë rezultat pozitiv nga transferua në Kratovë.

“Kemi punuar maksimalisht gjatë gjithë fazës përgatitore, por në veçanti edhe për ndeshjen ndaj Sileksit. Përballjet me ekipin nga Kratova gjithmonë kanë qenë të vështira, por mendoj se jemi të gatshëm për një fillim të mbarë të sezonit, duke kërkuar rezultat pozitiv”, ka thënë Broja.

Ekipi për ndeshjen ndaj Sileksit do të ketë dy mungesa, shkaku i një lëndimi mbetet jashtë Ergin Abdul, ndërsa nuk ka arritur që të kompletohet dokumentacioni i përforcimit të fundit Maharafa Tandina, që gjithashtu edhe në te nuk do të mundë të llogarisë trajneri Umit Karan

Drejtësinë në ndeshjen Sileksi – Shkupi do ta ndajë referi nga Ohri, Marjan Markoski me mdihmësit Zharko Todorovski dhe Simon Grdanoski, derisa referi i katërt është Marian Eckoski.

Dueli Sileksi – Shkupi zhvillohet të dielën në Kratovë, me fillim në orën 14:00.