Skuadra e FC Shkupi gjenerata e vitit 2003 (U-13), ka arritur të triumfojë edhe në finalen e madhe të një nga turnet më prestigjioz evropian “Dana Cup”. Skuadra e FC Shkupi e udhëhequr nga trajneri Halim Bilalli ka dëshmuar se me punë dhe angazhim mundë të arrihen rezultate të mëdha edhe në konkurrencë të ekipeve evropian, të cilat padyshim se me kushte shumë më të mira se ekipi ynë, nuk arritën ti ndalin heronjtë e Shkupit.
Finalja e madhe është luajtur sot në orët e mëngjesit, ndërsa kundërshtare e FC Shkupi ishte skuadra e Borre IF nga Norvegjia, që ishte favorite në këtë ndeshje. Por Shkupi u tregua shumë e suksesshëm duke marrë fitore të pastër me rezultat 2:0 dhe duke u shpallur kampione në kategorinë U13 e grupit B. /fcshkupi/
