Rezulton i duhur vendimi i kryesisë së klubit për të dhuruar gratis biletat për ndeshjen e sotme kundër Pyunikut në xhiron e parë eliminatore të Liga Evropës.
Njoftojmë se deri tani janë dhënë rreth 12 mijë bileta për gjithë ata që kanë shprehur interes të ndjekin nga afër ndeshjen kthyese të klubit tonë në arenën ndërkombëtare.
Kjo është shifër shumë pozitive, duke pasur parasysh se ndodhemi në raundin e parë dhe kundërshtari nuk është shumë atraktiv, ndërsa deri në fillim të ndeshjes numri mund të rritet akoma më shumë.
Biletat falas përveç në stadiumin e Çairit, sot do të jepen edhe te stadiumi “Todor Proeski”. Ndërkohë takimi Shkupi-Pyuniku nis nga ora 20:30.
