FC Shkupi – FC Hermannstadt 2-1 (1-0)
Me sukses e kemi filluar fazën e ndeshjeve kontrolluese që po e zhvillojmë në Bolu të Turqisë. Ekipi ynë dje kishte caktuar miqësore me skuadrën e kategorisë më të fortë rumune FC Hermannstadt, por kushtet e rënda të terrenit, anuluan atë për sot.
Ndeshja ishte shumë atraktive dhe me shumë raste për ekipin tonë, që arriti të shënojë fitore minimale me rezultat 2-1.
Ndeshja filloi me dominim total të skuadrës tonë, që krijoi shumë raste të njëpasnjëshme. Dhe pikërisht goli i parë erdhi në minutën e shtatë kur përforcimi ynë Arbi Vosha asistoi për Trapanovskin i cili dribloi një futbollist, më pas edhe portierin që të jetë i vetëm para portës.
Në minutën e 20-t kishim edhe një rast me anë të Voshës, i cili me një goditje të fortë dërgoi topin skaj portës. Deri në fund të pjesës së parë kishim edhe disa gjysmë raste, ndërsa ekipi kundërshtarë në asnjë moment nuk e kërcënoi portën e kapitenit, portierit Artan Iljazi. Me rezultatin 1-0, u mbyll gjysëm pjesa e parë.
Edhe pjesa e dytë nisi me dominim dhe kërcënim të ekipit tonë, Ilieski kishte një rast të pastër kur pas rivënies nga këndi të Trapanovskit, në minutën e 55 nuk arrit që me kokë të tundë rrjetën kundërshtare. Në minutën e 59-t, Trapanovski kishte nj solo aksion, duke kaluar disa lojtar kundërshtar dhe me një goditje nga 15 metra shënoi euro gol për 2-0. Lojë të mrekullueshme ka treguar edhe Cephas, i cili u fut në lojë si zëvendësues dhe në dy raste kishte mundësi që të rrit epërsinë.
Në minutën e 74 rumunët kishin rastin e parë, kur tentuan nga krahu të befasojnë, por portieri Iljazi arrit që të mbrojë. Në minutën e 75 në portë Mitrev e zëvendësoi Iljazin dhe pas vetëm një minute pranuam gol. Mario Mlladenovski ktheu topin te portieri dhe topi mori një trajektore të padëshiruar dhe kundërshtarët shënuan gol.
Ndeshjen e filluam me këtë formacion: Iljazi, Pinter, Mladenovski, Ilievski, Timovski, Diene, Sheji, Ali, Ackovski, Vosha dhe Trapanovski.
Luajtën edhe Queven, Hamidi, Toshevski, Serafimov, Riçkov, Ramani, Cephas dhe dy futbollistët nga shkolla jonë e futbollit Agon Ismaili dhe Idriz Osmanovik.
Ndeshjen e radhës e luajmë me 26 qershor, ndërsa për kundërshtarë do të kemi ekipin e superligës shqiptare, Egnatia.
