Mesfushori Sabit Bilali do të vazhdojë të jetë pjesë e FC Shkupit deri në muajin korrik të vitit 2021. Drejtuesit e klubit kanë ‘blinduar’ mesfushorin tetovar edhe për një sezon tjetër, duke mos lënë hapësira për ndonjë largim eventual të tij në përfundim të kampionatit 2019/20.
Bilali ekipit tonë iu bashkua gjatë merkatos të verës, me çka në ndeshjet në Liga Europa ndaj Pyunikut bëri diferencën në fushë , ndërsa edhe gjatë sezonit të ri në kampionatin vendor dhe kompeticionin e Kupës ka qenë titullar i padiskutueshëm te ekipi bardhekaltër.
Bilali shihet një nga shtyllat kryesore të repartit të mesfushës tonë së bashku me talentin tjetër të skuadrës, Besar Iseni. Kombinimi i tyre në formacion jep më shumë siguri dhe lojë më të mirë të Shkupit për rezultate pozitive që na çojnë drejt objektivave që ndjekim.
