Shikueshmëria në ndeshjet futbollistike të Ligës së Parë në Maqedoni gjatë sezonit vjeshtor ka qenë në nivelin më të ulët, që prej pavarësisë së Maqedonisë nga Ish-Jugosllavia.
Në gjithsej 90 ndeshje të zhvilluara në stadiumet e vendit, ka pas 86.000 shikues. Nga e gjithë kjo, i bie që mesatarisht një ndeshje në Ligën e Parë të Maqedonisë e kanë përcjell 955 shikues.
Skuadra më e ndjekur është KF Shkëndija nga Tetova me 37.300 shikues, duke lënë pas FC Shkupin me 31.300 shikues, ndërkohë kampionin vjeshtorë këtë gjysmë sezon e kanë ndjekur gjithsej 21.300 shikues.
Skuadra e Shkupit është kampion si ekip vendas, pasi që atë e kanë ndjekur 25. 800 shikues, ndërsa menjëherë pas tyre renditet Shkëndija me 22. 300 shikues. Ndeshjet më të shikuara në Ligën e Parë kanë qenë ato në Çair, Shkupi – Shkëndija dhe Shkupi – Vardari, në të cilat ndeshje prezent në shkallët e stadiumit kishte më shumë se 5.000 shikues. /fcshkupi/
