FC Shkupi, të shtunën sfidon “Borec”-in e Velesit

Share:
Share on facebook
Share on whatsapp
Share on telegram
Share on twitter
Share on email

Skuadra e FC Shkupit, pas disa ditëve të stërvitjeve nën urdhërat e trajnerit Umit Karan, ka shfrytëzuar pauzën dy javore për shkaku të pjesëmarrjes së reprezentacionit të Maqedonisë në Ligën e Kombeve dhe gjatë ditës së shtunë ka caktuar sfidën miqësore. Në stadiumin në Çair, me fillim në orën 15.00, FC Shkupi do të përballet me skuadrën e Borecit nga Velesi.

Ekipi është i kompletuar, ndërsa mungojnë vetëm 3 futbollistë, të cilët janë të angazhuar me përfaqësueset përkatëse. Besir Ramadani ka angazhim në kombëtaren shqiptare U21, sikurse edhe Rron Broja me përfaqësuesen e Kosovës U21. Ndërkohë Basilio Ndong ka marrë ftesë përsëri nga reprezentacioni i tij, Guineja Ekuatoriale.

Takimi miqësor, FC Shkupi – Boreci, nis në orën 15.00.