Fitore bindëse ndaj Akademia Pandevit

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Ekipi ka marrë fitore të rëndësishme tri pikë mjaftë të vlefshme në xhiron e 16-të në Ligën e Parë të Futbollit të Maqedonisë së Veriut, pasi në Çair fituam me rezultat 3:1 Akademia Pandevin. Golat për triumfin e bardhebluve u realizuan nga Sergio, Dembo dhe Jusufi. Para nisjes së takimit u mbajtë një minutë heshtje për viktimat që humbën jetën e tyre në termetin në Shqipëri.

Ndeshja nuk nisi mirë për ekipin tonë, kur pas vetëm 7 minuta lojë u ndëshkuam nga kundërshtari, që shkuan në epërsi me anë të Marko Rajkoviqit. Në vijim bardheblutë krijuan disa raste, me Jurinën që tentoi në minutën e 12-të, ndërsa më pas kishin raste edhe Bajramin dhe Sergion, por pa finalizim. Terreni i vështirë, na pamundësoi  të bëjmë lojën qē dëshironim, ndërsa deri në fund të pjesës së parë regjistruam edhe disa raste, që nuk u konkretizuan me gol.

Në fraksionin e dytë, kishim një lojë më dominues në fushë. Sergio kishte rastin e parë në minutën e 59-të, kur tentoi me kokë, ndërsa braziliani 7 minuta më vonë barazoi shifrat përkohësisht, duke shënuar gol nga branda zona. Pas shënimit të golit të parë, ekipi u frymëzua dhe mori frenat e lojës në dorrë, duke dominuar plotësisht. Goli i dytë që solli dyfishoi gëzimin në tribuna erdhi në minutën e 77-të, kur Dembo shënon gol të bukur për shifra 2:1. Të përzgjedhurit e trajnerit Qatip Osmani, vazhduan me rritmin e njejtë edhe në vijim, ndërsa për të vulosur fitoren e bardhebluve mendoi Fatjon Jusufi që shënoi golin e tretë për ekipin dhe rezultat përfundimtar 3:1.

Kështu ekipi mori tri pikë të rëndësishme në kampionat, ndërsa ndeshjen e radhës e luan kundër Shkëndijës në Tetovë.

 

 

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!