Skuadra e FC Shkupit pas rikthimit nga Antalia ku zhvilloi fazën kryesore të përgatitjeve, trajneri Umit Karan u kishte dhënë dy ditëve pushim futbollistëve, të cilët sot pasdite u janë kthyer obligimeve, pasi tani më do të përkushtohen në përgatitjet për ndeshjen e parë të sezonit pranveror, që me 17 shkurt do ta luajnë në Kratovë kundër Sileksit.
Por kryesia e klubit në bashkëpunim më stafin e trajnerëve ka vendosur që disa futbollistë të rinj, që tani më edhe janë me kontrata profesionale të angazhohen në klube të kategorisë së dytë të vendit, me qëllim që të marrin eksperiencë më të madhe dhe të kenë më shumë minuta lojë.
Kështu në huazim për gjashtë muaj i është KF Genç Kalemler Besir Ramadani, te KF Korabi është transferuar Musli Lika, ndërsa Altin Sefo do të vazhdojë edhe për gjashtë muaj të jetë pjesë e KF Vëllazërimit, të cilit do ti bashkohet edhe Jusuf Aliu.
