Humbim miqësoren e dytë, Renova fiton me rezultat minimal

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Skuadra e FC Shkupi sot ka zhvilluar miqësoren e dytë në kuadër të fazës përgatitore në Ohër, ndërsa për kundërshtarë e kishte ekipin e Renovës. Ndeshja është luajtur në stadiumin “Atina Bojaxhi”, ku trajneri Muharem Bajrami u dha mundësi edhe në këtë ndeshje pothuajse të gjithë futbollistëve që të luajnë dhe të tregojnë forcën e akumuluar në këtë periudhë.

Ndeshja ishte e barabartë me raste të krijuara nga dy ekipet, por Shkupi kishte kërcënimin e parë në minutën e 28-të, kur Ilirid Ademi pas asistimit të Jakup Berishës goditi vetëm shtyllën kundërshtare.

Renova shfrytëzoi një tollovi para portës së ekipit tonë, në minutën e 39-të, për të shënuar golin e vetëm të kësaj ndeshje kontrolluese me Remzifaik Selmanin.

Edhe pjesa e dytë ishte e barabartë, por edhe temperaturat e larta që po mbretërojnë në vend, ndikuan që futbollistët të jenë shumë të kujdesshëm. Ndërsa dueli u mbyll me rezultatin final 1-0.

Kjo ishte ndeshja e dytë në këtë fazë përgatitore, pas fitores ndaj Ohrit me rezultat 3-1. Skuadra jonë ndeshjen e radhës kontrolluese e luan me 26 korrik, ndërsa do të sfidohet nga ekipi i Struga Trim&Lum.

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!