Iseni solli tri pikë të reja për Shkupin

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Ekipi i Shkupit ka vazhduar me serinë e fitoreve edhe në javën e 30-të. Kësaj radhe ka mundur Akademija Pandevin me rezultat minimal 1:0, katër minuta para fundit me autor Besar Isenin.

Ndeshja e javës së 30-të, ishte e rëndësie të madhe për dy ekipet, pasi me fitore Shkupi do afrohej edhe më shumë pozitës së tretë, që konkurrent direkt ishte pikërisht Akademija Pandevi. Por në pjesën e parë dy ekipet luajtën të rezervuara me lojë taktike, por Shkupi pati rastet më konkrete. Braziliani Sergio që në minutën e 10-t, u kanos drejt portës së Çubrakoviqit, por topi kaloi vetëm, skaj shtyllës. Në minutën e 17-të, ishte Muharemi që tentoi të shënon, por goditja e tij u bllokua nga mbrojtësit, ndërsa Sergio dhe Broja në një sulm tentuan me goditje që i bllokuan mbrojtësit e Pandevit.

Në pjesën e dytë Shkupi filloi me aksione edhe më të organizuara, ndërsa tentimi i parë ishte përsëri i Sergios në minutëm e 49-t, por që shkoi mbi portë. Bajrami tentoi në minutën e 55-të, por goditja e tij u ndal në një nga futbollistët e mbrojtjes mysafire. Në minutën e 61 Sergio goditi skaj porte, ndërsa në të 65-t, afër golit ishte kapiteni Bajrami, që nga një distancë prej 30 metrash rrezikoi portën mysafire. Disa gjysmë raste kishin Ustabashi dhe Veliu, të cilë trajneri Karan i futi në lojë si zëvendësues të Angelovit dhe Muaremit. Dhe kur pritej fundi, Veliu asistoi për Isenin, i cili nga distanca befasoi Çubrakoviqin për golin e epërsisë që doli të jetë edhe i fitores.

Me këtë fitore Shkupi mbetet në pozitën e katërt me 42 pikë, pesë më pak se Akademija Pandev e treta. Ndeshjen e radhës Shkupi e luan të shtunën në Tetovë ndaj Shkëndijës.

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!