FC Shkupi nesër përballet me Teteksin në kuadër të ndeshjes së parë të edicionit të ri të Kupës së Maqedonisë së Veriut. “Bardheblutë” pas ndeshjes të së shtunës në kampionat, menjëherë kanë rikthyer vëmendjen kah ndeshja e Kupës, duke u fokusuar maksimalisht për sfidën që na pret të mërkurën (21.08.2019) dhe që vlen për kualifkim të mëtejshëm.
Objektivi ekipit është të qëndrojë sa më gjatë në këtë kompeticion, duke dashur që nga nesër të marrim rezultat pozitiv që na sjell fillimisht kualifikim në raundin e dytë.
“Kemi nesër ndeshjen e parë të Kupës dhe luajmë kundër Teteksit. Në situatë kur kualifikimi caktohet me një ndeshje, ne do të mundohemi të japim maksimumin për të fituar dhe të sigurojmë raundin e dytë. Ambiciet tona në Kupë këtë sezon janë që të arrijmë sa më lartë. Shpresojmë që me fitore në ndeshjen e nesërme ta rikthejmë vetbesimin në skuadër pas asaj humbje me Rabotniçkin dhe të vazhdojmë drejt sukseseve tjera”, ka thënë për kanalin zyrtar të klubit, Fati Ismaili.
Ndeshja FC Shkupi-FK Teteksi do të luhet të mërkurën (21.08.2019), në stadiumin e Çairit, duke nisur nga ora 17:00 dhe e njejta do të zhvillohet pa publik për shkak të punimeve në tribunën e vjetër.
