Jasharovski: Të vazhdojmë me rezultate pozitive

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Skuadra e FC Shkupi të dielën udhëton për në Kratovë, ku do të jetë mysafire e Sileksit në kuadër të javës së 5-të të Ligës së Parë futbollistike të Maqedonisë.

Shkupi ka shënuar fitore me vlerë të dielën e kaluar ndaj Rabotniçkit, duke marrë tri pikët e plota, që është dhe fitorja e parë sezonale. Derisa shumica e skuadrave nga Liga e Parë që garojnë në Kupën e Maqedonisë, të mërkurën kanë luajtur ndeshjet e para të 1/8-tës, Shkupi ka punuar pikërisht në përgatitjen për duelin ndaj Sileksit.

Për duelin e të dielës është prononcuar sulmuesi Alen Jasharovski, i cili edhe i dha fitoren Shkupit në minutat e kohës shtesë Shkupit ndaj Rabotniçkit.

“Para se gjithash jam shumë i kënaqur për fitoren që shënuam ndaj Rabotniçkit, ndërsa njëherit ky ishte edhe goli im i parë zyrtar me fanellën e Shkupit. Para nesh kemi një ndeshje mjaft të vështirë dhe jemi përgatitur ashtu siç e bëjmë për të gjitha ndeshjet tjera. Sigurisht se do të jemi të kënaqur të marrim çfarëdo qoftë rezultati pozitiv. Shpresoj edhe në këtë ndeshje, por edhe në të tjerat që të shënoj sa më shpesh dhe ti sjell pikë ekipit tonë dhe njëkohësisht gëzim tifozëve tanë”, ka përfunduar Alen Jasharovski.

Skuadra e Shkupit është e kompletuar edhe për këtë ndeshje, në përjashtim të Ivan Fatiçit, i cili si duket do të duhet të pret deri javën që vjen, pasi që procedura e rregullimit të dokumentacionit është në fazën e fundit.

Ndeshja Sileksi – Shkupi drejtohet nga katërshja e gjyqtarëve nga Shkupi, me në krye Josip Barton dhe ndihmësit e tij, Nikolla Bozhinovski, Sashe Toshevski dhe gjyqtari i katërt është Roranço Temellkov nga Kavadari. Delegat i ndeshjes është Igor Frangoski nga Shkupi, ndërsa kontrollor Zoran Josifov nga Kavadari. Ndeshja luhet në Kratovë në stadiumin Musala me fillim në orën 15:30.

More to explorer

Ndahen pikët në Gjorçe Petrov

Derbi i vogël i qytetit të Shkupit u zhvillua në lagjen Gjorçe Petrov ku ekipi ynë luajti në cilësinë e mysafirit nga

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!