Kallaba: Pa pardon edhe ndaj Kozhufit

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Kallaba: Pa pardon edhe ndaj Kozhufit Për duelin ndaj Kozhufit është prononcuar mbrojtësi Leonard Kallaba i cili mes tjerash ka potencuar se Shkupi në asnjë ndeshje deri më tani nuk është futur me kalkulime dhe se të gjithë kundërshtarët i ka respektuar, gjë që edhe ka sjellë suksesin e deritanishëm.

“Ne gjithmonë në çdo ndeshje futemi për fitore, qoftë në terren vendas ose mysafir.

E dimë që nuk do të jetë lehtë në duelin ndaj Kozhuvit, andaj kemi qenë të koncentruar dhe të përqendruar maksimalisht për këtë ndeshje, duke mos i nënvlerësuar ata. Gjatë gjithë javës kemi punuar mirë dhe jemi përgatitur maksimalisht, duke shpresuar se do të kthehemi me fitore”, ka thënë Kallaba.

Para ndeshjes është prononcuar edhe trajneri Ramadani i cili ka thënë se skuadra është maksimalisht e përgatitur, ndërsa i vetmi “problem” është se do të ketë konkurrencë të madhe për të formuar njëmbëdhjetëshen e parë.

“Kemi një problem të ëmbël, pasi që këtë javë kemi konkurrencë të madhe se të gjithë futbollistët i kemi në disponim për këtë duel dhe do ta kem të vështirë që të formojë ekipin që do të nisë ndeshjen”, ka thënë Ramadani.

Shkupi në ndeshjen e fundit kampionale ka mundur Euromilkun, ku në këtë ndeshje mbrojtësi Dimitrija Llazarevski ka ripërtërirë lëndimin dhe paraqitja e tij ndaj Kozhuvit është në dyshim, ndërsa në këtë javë pritet të jetë gati Erkan Seferi i cili ka munguar në dy ndeshjet e fundit.  Dueli në mes Kozhuvit dhe Shkupit do të luhet në stadiumin e Miravcit, ku sipas informatave ky stadium ka një fushë më të mirë dhe pritet një ndeshje kualitative. / fcshkupi.com/

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!