Skuadra jonë ndodhet në fazën e fundit të përgatitjeve për sezonin e ri garues 2019/20 në Ligën e Parë të Futbollit të Maqedonisë së Veriut, ndërsa përveç seancave stërvitore në program ka edhe ndeshje kontrolluese. Të shtunën (27.07.2019) zhvilluam ndeshjen e parë me Prishtinën, në të cilën barazuam pa gola, ndërsa ‘testin’ e dytë e kemi të mërkurën (31.07.2019) përballë Gostivarit.
Ndërkohë konfirmojmë edhe ndeshjen e tretë kontrolluese dhe të fundit të cilën do ta luajmë përballë Makedonija Gjorçe Petrovit. Takimi me skuadrën nga Gjorçe Petrovi do të luhet me 3 gusht në stadiumin e Çairit, duke nisur nga ora 17:30.
Kujtojmë që sezoni i ri në kampionat nis me 11 gusht dhe ndeshjen e parë e zhvillojmë ndaj Borecit.
