Kryari i FC Shkupi, z.Ejup Ademi sot ka realizuar një takim me presidentin e Federatës Shqiptare të Futbollit, z.Armando Duka, i cili është i ftuar special në Kuvendinz Zgjedhor të FFM, ku me shumë gjasa kryetari i deritanishëm Ilço Gjorgjioski do të fitojë dhe mandatin e dytë.
Në takimin e realizuar në hotelin “Aleksandar Palace”, kryetari Ademi dhe presidenti i FSHF-s, Duka kanë folur për ngritjen e cilësisë së futbollit në ballkan dhe në veçanti për skuadrën e FC Shkupi.
Në bisedë e sipër kryetari Ademi i ka treguar për historikun e FC Shkupi, e që presidenti Duka e kishte thënë se e din mjaft mirë suksesin e këtij klubi deri sa luante më parë me emrin “Slloga Jugomagnat”. Gjithashtu presidenti Duka i ka thënë kryetarit Ademi se klubi i Shkupit ka një ndër tifo grupet më të mëdha shqiptare, siç janë “Shvercerat”, të cilët në vazhdimësi kanë qenë mbështetësit më të mëdhenj të kombëtares shqiptare.
Të përkujtojmë se presidenti i FSHF-së, Armand Duka, është zyrtarizuar pak ditë më parë si kandidat për një vend në Komitetin Ekzekutiv të UEFA-s. /fcshkupi/
