Pionierët e rinj të FC Shkupi kanë shënuar fitore me rezultat 2:1 ndaj Rabotniçkit, në finalen e Kupës së Maqedonisë në konkurrencën e pionierëve më të rinj. Futbollistët e udhëhequr nga trajneri Jeton Musliu treguan lojë kualitative, në veçanti në pjesën e parë dhe me plotë meritë u gëzuan në trofeun e fituar në kuadër të kupës së Maqedonisë për pionierë të rinj.
![Suhel Muharemi](http://fcshkupi.com/wp-content/uploads/2016/05/Suhel-Muharemi-1.jpg)
Në fillim të ndeshjes të dy ekipet kishin raste të mira për të shënuar gola, ndërsa Shkupi ishte dominues dhe më konkret. Pikërisht në minutën e 22-të, Shkupi kaloi në avantazh duke ju falënderuar shkathtësive të futbollistit më të mirë të finales, Suhel Muharremi, i cili për të dëshmuar se jo rastësisht është edhe reprezentues i Maqedonisë, shënoi gol edhe në minutën e 30-të, për ti dhënë skuadrës së Shkupit epërsinë 2:0.
Në vazhdim të ndeshjes Rabotniçki shënoi vetëm një gol, por duke mos arritur të bëjnë asgjë deri në fund, pasi mbrojtja e Shkupit ishte sy qelë.
Finalja e Kupës së Maqedonisë për pionier të rinj
Rabotniçki – Shkupi 1:2 (0:2)
(Suhel Muharremi 22’ dhe 30 për FC Shkupi, Bozhidar Mitrovski ’65 për Rabotniçki).
FC Shkupi: Nuhiu, Jonuzi, Adis Osmanovski, Zaim Curri, Hasib Ibrahimi, Visar Imeri, Aldin Culi, Suhel Muharemi, Agan Zuberi, Fahrudin Çengiq, Burim Aliti, Muhamed Ademi
Rezervë: Erden Sejdiu, Memet Idrizi, Adem Sopa, Fisnik Zejnullai, Bilall Iseni, Shenoll Jashari dhe Agon Sefo
Trajner: Jeton Musliu