KUPA, raporti nga takimi FC Shkupi vs Akademia Pandev

Share on facebook
Facebook
Share on google
Google+
Share on twitter
Twitter
Share on linkedin
LinkedIn

FC Shkupi rezultoi të jetë i pafat në ndeshjen e parë çerekfinale të Kupës së Maqedonisë së Veriut ndaj Akademia Pandevit, pasi përkrahë dominimit në fushë, rasteve të shumta dhe humbjes së një penalltie në pjesën e parë, ndëshkohemi në minutat shtesë me një gol nga mysafirët që u dha fitoren. Në këtë duel për herë të parë luajti mbrojtësi i ri Ardit Iljazi.

Fillimi i ndeshjes solli dy raste nga të dyja anët, me mysafirët që tenuan përmes Maneskit në minutën e 2-të, ndërsa për bardheblutë Fatjon Jusufi nuk arriti të shfrytëzojë rastin që kishte pranë portës së kundërshtarëve. Minuta e 30-të na solli shumë afër golit, kur pas një prekje me dorë nga ana e futbollistëve kundërshtarë, akordohet penallti në favorin tonë, por Marin Jurina nuk tregohet i saktë nga pika e bardhë dhe shifrat mbeten të pandryshuara. Deri në fund kishim edhe disa raste, por pa finalizim, duke shkuar kështu në pushim me rrjeta të paprekura.

Fraksioni i dytë kaloi nën dominimin tonë, me lojë dhe shanse të njëpasnjëshme. Në të 61-tën, Jurina kishte tentim me kokë, por shpëtoi portieri i mysafirëve Çubrakoviq. Ky i fundit pas tre minutave u tregua sërish vendimtar kur arriti të mbrojë gjuajtjen e fortë të Dembos. Në të 73-tën, sërish Jurina kishte rast ideal, kur pranoi një krosim nga Sergio, por sulmuesi jonë si duket ishte i pafat në këtë sfidë, pasi gjuajtja e tij sërish nuk gjeti kuadratin e portës. Në vijim bardheblutë vazhduan me ritëm të njejtë, duke kërkuar golin, ndërsa mysafirët rastin e vetëm gjatë pjesës së dytë e shfrytëzuan duke na ndëshkuar me gol në minutat shtesë me Riste Temelkovin që i dha fitoren miqve në këtë takim të parë në kuadër të çerekfinales së Kupës së Maqedonisë së Veriut.

Gjithsesi, udhëtuesi për në gjysmëfinale do të përcaktohet me 4 mars të vitit të ardhshëm, ku na presin edhe 90-të minuta lojë në Strumicë kundër Akademia Pandevit.

 

 

 

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!