Stinorin vjeshtorë e mbyllëm me fitore, duke rrumbullaksuar një gjysëmsezon relativisht të mirë, me shpresë se në pranverë gjërat do shkojnë edhe më mirë dhe se sërish do jemi në mesin e skuadrave që do konkurrojnë Europën.
Në ndeshjen e javës së 18-të, në Gostivar mundëm Besën e Dobërdollit me rezultatin 1:0, gol ky që erdhi vetëm në pjesën e dytë.
Skuadra në këtë ndeshje luajti me më shumë vetëbesim dhe kurajo, duke mos lejuar shumë eksponimin e futbollistëve vendas. Ndryshe, goli erdhi saktësisht në minutën e 57-të, kur Diene i ndihmuar edhe nga portieri vendas, Zahov, arriti që të shtyej topin në rrjetë.
PJESA E PARË
Ndryshe ndeshja nisi me inciativën e vendasve, të cilët në dy raste nga krahu i djathtë tentuan të shënojnë përmes Selmanit, mirëpo në të dyja rastet kapiteni ynë, Artan Iljazi ishte në vendin e duhur.
Në minutën e 20-të, pas një aksioni me pasime të njëpasnjëshme, Numan Ajetoviq tentoi me të majtën e tij nga brenda zonës, mirëpo topi u devijua në rivënie nga këndi.
Futbollisti i rradhës që tentoi të shënojë në rrjetën e vendasve, ishte Florian Kadriu, i cili nga një distancë provoi të shënojë me një goditje për tokë, mirëpo topi përfundoi drejt në duart e Zahov.
Në minutën e 40-të para portës tonë u shfaq një tollovi pas goditjes së futbollistit vendas, Nuredini, derisa sulmuesi Selmani në tentativë për të shënuar nga topi i devijuar, ndërhyri ashpër ndaj portierit tonë, Iljazi, moment ky që solli edhe tension mes disa prej futbollistëve, e ku si pasojë arbitri kryesor tregoi 4 kartonë të verdhë, dy prej të cilëve për futbollistët tanë, El Haxhi Gueje dhe Xhelil Asani.
Megjithatë gjakrat u qetësuan shumë shpejtë, ndërsa vetëm dy minuta më vonë, këmbëshpejti Kadriu edhe njëherë tjetër depërtoi nga krahu i djathtë në zonën kundërshtare, madje duke arritur të godas, mirëpo në vendin e duhur edhe këtë herë doli të jetë portieri, Zahov.
PJESA E DYTË
Pjesa e dytë nisi me një kanosje serioze të mysafirëve me anë të Hisar Ali, mirëpo ishim neve ata që iu gëzuam golit të parët.
Pas një aksioni të gjatë, ku fillimisht Stojanovski tentoi për të shënuar, mirëpo që u ndal nga Zahov, topi në fund të aksionit arriti deri te Albert Diene, i cili goditi shtyllën pingule, mirëpo me ndihmën e Zahov, arriti që ti gëzohet golit, kjo pasi topi nga shpina e portierit të vendasve u ndal në rrjetë.
Gëzim në mesin e futbollistëve tanë, që deri në fund administruan mjaft mirë lojën, duke mos lejuar kundërshtarin të vie në shprehje, edhe pse vazhdimisht tentontë të rrezikonte portën e Iljazit, që për herë të tretë këtë edicion doli të jetë i pamposhtur, pas atyre fitoreve 3:0 ndaj Vardarit dhe Struga Trim Lum në ndeshjen e parë të këtij sezoni në Strugë.
Ndryshe, fitorja e sotme ishte e 6-ta për skuadrën tonë, që stinorin vjeshtorë e mbyll në pozitën e 6-të me 22 pikë.
PASON PAUZA
Pas këtij takimi, në kampionat pason një pauzë më e gjatë, ndërsa në aksion rikthehemi me 16 shkurt të vitit 2025, kur në terren vendas do të mirëpresim një nga liderët aktual, Rabotniçkin.
Deri atëherë pushim të këndshëm për gjithë lojtarërt dhe stafin, ndërsa drejtuesit e klubit me në krye presidentin Yasin Konyali, drejtorin Aykut Turan dhe Drejtorin Sportiv, Nderim Nexhipi, do të kenë më shumë punë në ndërtimin e një skuadre konkurrente për në Europë, e që realisht është dëshirë e gjithë neve, por edhe traditë e klubit, pasi FC Shkupi vite me rradhë ka luajtur në skenën ndërkombëtare, me përjashtim të edicionit të kaluar.
————————————————————————
LPFMV – Java 18
KF BESA DOBËRDOLL – FC SHKUPI 0:1
Arbitër kryesor: Furkan Idrizi
🟨Futbollistë të ndëshkuar me kartonë të verdhë: Xh. Asani, E.H. Gueye, C. Ansah, B. Guxhufi;
Për ekipin tonë luajtën:
A. Iljazi, K. Bllazhevski, N. Ajetoviq, E. H. Gueye, H, Ramani, A. Diene, D. Imeri (E. Liçina 90’), Xh. Asani (B. Guxhufi 83′), Y. Kanda (C. Ansah 45’), F. Kadriu, G. Stojanovski (F. Tamba 71’);
Trajner: Erdem Alparsllan
