LPFMV: Raporti nga xhiroja e 18-të, FC Shkupi vs FK Makedonija GJ.P

Share on facebook
Facebook
Share on google
Google+
Share on twitter
Twitter
Share on linkedin
LinkedIn

FC Shkupi nuk ka arritur ta mbyll gjysmësezonin vjeshtor sipas pretendimeve që kishim, pasi në ndeshjen e fundit të këtij viti u mundëm nga Makedonija Gjorçe Petrovi me rezultat 2:3. Mysafirët na ndëshkuan tre herë me të njejtin futbollist, Eduardo Karvaljo, ndërsa bardheblutë nuk shkuan më shumë se dy golat e Jusufit dhe Jurinës.

Pjesa e parë nuk nisi mirë për të përzgjedhurit e trajnerit Qatip Osmani, kur pas vetëm 3 minuta lojë u ndëshkuam me gol nga kundërshtari, me mysafirët që gjetën rrjetën përmes brazilianit Eduardo Karvaljo për epërsi 0:1. Në minutën e 8-të, gjuajtjen e Antonio Sergios nga e majta e ndali traversa. Disa minuta më vonë mysafirët goditin traversën tonë. Në vijim kishim dominim në lojë, duke krijuar raste të shumta. Në të 26-të Jurina tentoi nga brenda zona, por topi shkoi mbi portën e Jovanovskit, ndërsa i njejti lojtar 3 minuta më vonë tentoi sërish, duke gjuajtur nga distanca, mirëpo pa sukses. Në minutën e 34-t Darboe Dembo gjuajti fortë nga brenda zona, por sërish mysafirët i shpëton portieri Jovanovski. 5 minuta para fundit, pas një gabimi në mbrojtje, përfitojnë mysafirët që shënojnë edhe golin e dytë përmes të njejtit futbollist, Eduardo Karvaljo.

Në fraksionin e dytë, rastin e parë e kishim me Jurinën, me mysafirët që i shpëtoi shtylla pas atij tentimi me kokë që kishte sulmuesi jonë. Mirëpo dy minuta vonë, gjetëm rrjetën me anë të Fatjon Jusufit, që shfrytëzoi daljen e portierit jashta golit, duke ngushtuar diferencën në 1:2. Pas golit të shënuar, bardheblutë rritën edhe më shumë intenzitetin e lojës sulmuese dhe kur duhej të shënonim golin e barazimit, bardheblutë e pësojnë golin e tretë, sërish me autor Eduardo Karvaljo. Në situatë kur ndodheshim në negativë prej dy golave, ekipi mori përsipër iniciativën e lojës, duke kërkuar rrjetën e kundërshtarëve. Fillimisht Jurina lëshoi një rast, në të 74-tën Sergio gjuajti nga distanca, me topin që shkoi vetëm mbi portë, ndërsa golin e dytë e gjetëm në minutën e fundit të kohës së rregullt, me sulmuesin boshnjak që çoi topin në rrjetë, pasi mori asist nga kapiteni Muharem Bajrami. Në minutat e mbetura, FC Shkupi tentoi edhe golin e barazimit, por koha nuk na mjaftoi për të shënuar dhe fërshëllima e fundit e arbitrit na ndau me disfatë nga kjo përballje e fundit të gjysmësezonit vjeshtor.

Kështu badheblutë pas 18-të xhirove të luajtura në LPFMV renditet në pozitën e 7-të me 22 pikë të grumbulluara.

 

 

 

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!