Skuadrës së FC Shkupit sot i është bashkuar edhe një futbollist, bëhet fjalë për mbrojtësin e krahut të djathtë Mariano Ondo, i cili vjen nga Guinea Ekuatoriale, ndërsa ishte pjesë e ekipit prej ku erdhi edhe Basilio Ndong, Cano Sport Academy.
Ondo i është bashkuar sot ekipit ku edhe ka zhvilluar stërvitjen e parë zyrtare, ndërsa trajneri Ardian Nuhiu ka mbetur mjaft i kënaqur në paraqitjen e tij të parë në stërvitje.
Edhe Ondo sikurse Ndong, është reprezentues i përfaqësueses A të Guineas Ekuatoriale, duke luajtur 3 paraqitje zyrtare në Kupën e Afrikës dhe një ndeshje miqësore.
Ardhja e Mariano Ondos, Shkupit i ka kushtuar 30 mijë euro, ndërsa kontarata është nënshkruar për tri vite e gjysmë. Futbollisti 19 vjeçar nga Afrika në stërvitjen e parë të skuadrës ishte i mirëpritur nga stafi dhe futbollistët dhe pritet që shumë shpejt të adaptohet në ekipë.
