Futbollistët e skuadrës dhe akademisë sonë, Ariton Mehmedi dhe Omer Hasani, kanë marrë ftesë nga reprezentacioni U19 i Maqedonisë së Veriut për një grumbullim pesëditor nën urdhrat e seleksionuesit Erhan Selimi. E gjithë kjo, pasi të dy lojtarët janë ndër talentët më premtues të klubit dhe futbollit të vendit tonë, me Mehmedin që është akoma 17 vjeçar, ndërsa Hasani i mbushi të 18-tat para vetëm tre ditësh.
Mehmedi tashmë ka debutuar me ekipin e parë të Shkupit, në përballjen ndaj Strugës në dhjetor të vitit të kaluar, menjëherë pasi kishte mbushur 17 vjet. Si ai, edhe Hasani, janë lojtarë me perspektivë të madhe dhe pjesë e rëndësishme e së ardhmes të klubit tonë.
Grumbullimi i Maqedonisë U19 do të zhvillohet nga data 23 deri më 28 shkurt në Strumicë dhe do të shërbejë për vlerësimin e gjendjes aktuale të lojtarëve që pritet të jenë pjesë e ekipit në kualifikimet zyrtare që nisin në shtator.
