Ndong, shkaku i operimit përfundon sezonin vjeshtor

Një nga futbollistët me perspektivë të FC Shkupit, Basilio Ndong ka kohë që ka munguar në stërvitjet dhe ndeshjet kampionale të ekipit, ndërsa e gjithë kjo ka ardhur si shkak i lëndimit të gjatë që e kishte munduar futbollistin nga Guinea Ekuatoriale. Edhe përkundër përpjekjeve të shumta, që gjithçka të kalojë me terapi të shpeshta, në fund ishte i patjetërsueshëm intervenimi kirurgjikal, që futbollisti e ka kryer në meniskun e këmbës së djathtë. Kjo do të bëjë që futbollisti 19 vjeçar të mungojë deri në fund të sezonit vjeshtor dhe më pas gjatë fazës përgatitore të janarit të bashkohet me ekipin dhe të fillojë stërvitjet. Ndong që me Shkupin është bashkuar nga janari i vitit 2018, në këtë sezon kishte tetë paraqitje.