Osmani: Edhe në Gostivar kërkojmë fitoren

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Osmani: Edhe në Gostivar kërkojmë fitorenTë shtunën Liga e Dytë do të sjell një tjetër derbi të madh, kur në Gostivar do të takohen dy ekipe pretenduese për Ligën e Parë dhe që për momentin janë edhe në kreun e tabelës.

Gostivari do të jetë nikoqire e Shkupit, ndërsa kjo ndeshje ka zgjuar interesim për shumë dashamirë të futbollit që dëshirojnë të shikojnë futboll kualitativ.

Që të dy ekipet në mesin e tyre kanë futbollistë me shumë përvojë dhe janë skuadra që arsyetojnë kandidaturën për të qenë pjesë e Ligës së Parë.

Një nga futbollistët që është me një bagazh të madh të futbollit profesionist, është Minas Osmani, i cili këtë ndeshje e pret si gjithë të tjerat, pa ndonjë eufori të madhe.

“Duke marrë parasysh se do të luhet një ndeshje derbi i kësaj jave, nga ana tjetër takohen dy ekipe shqiptare, fillimisht kjo do të jetë një festë për të gjithë futbolldashësit. Ne vazhdojmë të jemi lider të tabelës dhe kemi një ecuri të mrekullueshme si në kampionat ashtu edhe në Kupën e Maqedonisë, besoj se edhe në duelin e radhës do të kërkojmë të marrim maksimumin. Ndeshja ndaj Teteksit ishte shumë e vështirë, por ne atë e kemi lënë pas vete dhe jemi orientuar vetëm në duelin e të shtunës. Ne si klub në çdo ndeshje shkojmë për të fituar, këtë do ta kërkojmë edhe ndaj Gostivarit, edhe pse ata janë në një epërsi pasi që luajnë në fushë të tyre, por kjo për ne si profesionist nuk duhet të paraqes asnjë problem”, ka thënë Minas Osmani.

Skuadra e Shkupit për momentin është pa asnjë disfatë që nga fillimi i sezonit, ndërsa Gostivari në dy ndeshjet e fundit në kampionat ka shënuar dy fitore duke u ngjitur në pozitën e tretë.

Në këtë ndeshje të dy ekipet do të kenë dhe përkrahjen e tifozëve të tyre të flaktë. “Shvercerat” kanë paralajmëruar se do të jenë në Gostivar, ndërsa edhe tifozët vendas “Kastriotët” janë gati për të përkrahur skuadrën e zemrës në këtë ndeshje. Gjithsesi kjo do të jetë një ndeshje vëllazërore mes dy ekipeve shqiptare, të cilat kanë një qëllim, inkuadrim në Ligën e Parë. Ndeshja Gostivari – Shkupi, luhet në stadiumin e qytetit në Gostivar, me fillim në ora 15:30. / fcshkupi.com/

More to explorer

Ndahen pikët në Gjorçe Petrov

Derbi i vogël i qytetit të Shkupit u zhvillua në lagjen Gjorçe Petrov ku ekipi ynë luajti në cilësinë e mysafirit nga

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!