Xhiroja e 15-të e Ligës së Parë të Maqedonisë ka pësuar një ndryshim, më saktësisht ndeshja KF Rabotniçki – FC Shkupi, që ishte vendosur të luhet të shtunën, me kërkesë të FFM-së, shkaku i transmetimit të ndeshjes, ka vendosur që të luhet të dielën me fillim në orën 13:00 në stadiumin e qytetit “Arena Filipi i Dytë”. Njëherit kjo do të jetë dhe ndeshja derbi e xhiros, ku do të takohen ekipet që e ndajnë pozitën e tretë dhe të katërt me vetëm një pikë dallim mes vete. Të përkujtojmë se në ndeshjen e parë FC Shkupi – KF Rabotniçki të luajtur në stadiumin e Çairit, dy ekipet i ndanë pikët pas rezultat të barabartë 1:1.
