Të dashur qytetarë dhe simpatizues të klubit tonë, ju njoftojmë se për shkak të vendimit në fuqi nga Federata e Futbollit të Maqedonisë së Veriut, që të mos lejohen udhëtimet e organizuara nga tifozët në vendin tonë, organizatori i ndeshjes Rabotniçki – Shkupi, ka marrë vendim që kjo ndeshje të luhet pa praninë e publikut, në dyer të mbyllura.
Drejtuesit e klubit tonë, shprehin keqardhje që tifozët tanë nuk do të jenë aty, në shkallët e stadiumit për ta përkrahur klubin tonë në këto momente të bukura.
Ne shpresojmë që shumë shpejtë, dyert e stadiumeve tona do të hapen për të gjithë sepse fundja, futbolli luhet për tifozët.
F.C. Shkupi
18.02.2022
