Sfida e radhës për skuadrën tonë do të jetë nesër në Manastir, ku në xhiron e tretë, përballë do ta kemi skuadrën e Pelisterit.
Të lumtur dhe të motivuar, të gjithë lojtarët tanë janë optimist dhe besojnë në tre pikët e radhës ndaj Pelisterit.
Për faqen tonë zyrtare, foli sulmuesi Radeski.
“E respektojmë ekipin e Pelisterit dhe jemi të vetëdijshëm se me çfarë skuadre do të përballemi, por ne jemi maksimalisht të përgatitur dhe në çdo ndeshje, futemi sikur të jetë një finale. Nesër luajmë që të fitojmë”, thotë Marjan Radeski.
Lojtarët dhe stafi i klubit tonë momentalisht gjenden në qytetin e Manastirit, kurse ndeshja do të zhvillohet nesër në stadiumin “Pod Tumbe Kafe”, duke filluar nga ora 17:00.
