Ramadani: Titulli, meritë e futbollistëve

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Ramadani: Titulli, meritë e futbollistëveTrajneri i Shkupit, Zekirja Ramadani ka thënë se titulli i kampionit vjeshtor është meritë e të përzgjedhurve të tij. Skuadra nga Çairi do të dimërojë në krye të tabelës me 13 pikë epërsi nga konkurrentët e saj, Vëllazërimi dhe Gostivari. Ndryshe, Ramadani thotë se lojtarët e tij kanë treguar karakter të fortë në gjitha ndeshjet e pjesës së parë të garave. “Titulli është meritë ekskluzive e futbollistëve. Ata treguan paraqitje  mjaft të mirë në 14-të ndeshjet e zhvilluara, andaj titulli është meritë e tyre. Asnjëherë nuk mundë të anashkalojë meritat që ka edhe kryetari i klubit, z.Ejup Ademi, i cili bëri që në Shkup të mos mungojë asgjë, që i duhet një skuadre të madhe. Ne gjithsesi do të luanim dhe ndoshta do të fitonim, por ai ishte me ne në secilën ndeshje, duke u përkushtuar për këtë ekip me gjithë ekipin e tij, për ta bërë të themi edhe të pamundurën të mundur”, thotë për faqen zyrtare të FC Shkupi, Ramadani.

Trajneri i ri dhe ambicioz, ka shtuar se Shkupi i ka kaluar të gjitha parashikimet.

“Synimet tona në fillim ishin që të jemi një skuadër solide, por duke mos harruar se që në fillim u futëm me ambicie për të qenë pretendentë kryesor për titull dhe kthim në Ligën e Parë. Mirëpo ecurinë që kishim, pra nga 14 ndeshje, vetëm 1 disfatë dhe 2 barazime, ne i kaluam parashikimet tona dhe tani pushojmë në pozitën e parë me 13 pikë disferencë. Ne synojmë që edhe në sezonin pranveror ta ruajmë këtë formë dhe këtë pozite”, tha Ramadani.

Skuadra e Shkupit po vazhdon të punojë edhe pas përfundimit të sezonit dhe stërvitjet do të zgjasin deri më 10 dhjetor kur dhe ekipi do të lëshohet në pushim të merituar, e që më pas të fillojë me punë diku mes 12 dhe 15 janarit. /fcshkupi/

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!