Në ndeshjen e parë miqësore në kuadër të kampit përgatitor në Antalia të Turqisë, ekipi i Shkupit regjistroi humbje me 0-2 nga skuadra polake e Polonia Warszava. Takimin e sotëm të të përzgjedhurve të trajnerit Alparslan Erdem, bashkë me drejtorin sportiv të klubit, Nderim Nexhipin dhe CEO, Aykut Turan, prej afër e si mysafir special, e ndoqi edhe seleksionuesi i Maqedonisë së Veriut, Bllagoja Milevski.
Të tre, diskutuan rreth gjendjes aktuale të klubit, por edhe për futbollistët e rinj nga akademia që janë angazhuar së fundmi me ekipin e parë dhe gjenden në kampin përgatitor në Turqi.
