Shkaku i lëndimit, portieri Aleksovski kthehet në Shkup

Faza e dytë e përgatitjeve në Antali ka filluar tani më shtatë ditë dhe ekipi ngadalë po kap formën e duhur, duke u stërvitur me ekipin edhe futbollistët që së fundmi janë bashkuar me grupin.

Por nga dita e martë, në stërvitjen e pasdites portieri Igor Aleksovski ka lënduar rëndë gjurin. Edhe pse ai ka bërë kontrollimet e para në Turqi, me konsultim të mjekëve tanë është vendosur që portieri të rikthehet në Shkup, ku do të bëjë ekzaminimet e tjera, për të mësuar dhe lëndimin saktë.

Aleksovskit sot ka arritur në Shkup, ndërsa informata më të sakta rreth lëndimit të tij, do të ketë pasi të merret dhe konstatimi i mjekëve.