Shkupi fillon aventurën e Kupës kundër Lubotenit

Skuadra e Shkupit kishte një paraqitje të mrekullueshme në ndeshjen e parë sezonale të Ligës së Parë, ku arriti që të merr barazim 2:2 me skuadrën e vardarit. Futbollistët dhe stafi teknik nuk kishin kohë opër të pushuar dhe që nga e hëna kanë punuar për ndeshjen e radhës, e që është gara më masovike e futbollit vendor Kupa e Maqedonisë.

Shkupi do të jetë mysafire e skuadrës më të vjetër në Maqedoni, KF Luboteni nga Tetova që sjell përballjen në kuadër të 1/16 së finales së Kupës së Maqedonisë.

Trajneri Zekirija Ramadani ka vendosur që për këtë ndeshje të pushoj shumicën e futbollistëve që luajtën në ndeshjen kundër Vardarit, ndërsa shansin për tu treguar do të kenë futbollistët që nuk arritën të inkuadrohen në ndeshjen e xhiros së parë.

Për herë të parë në këtë edicion dy ndeshje zyrtare të FFM-së, do të luhen në fushë me barë artificial, e një prej këtyre dueleve është dhe takimi në Tetovë në mes Lubotenit dhe Shkupit.

Trajneri Ramadani në duelin kundër Lubotenit ka ftuar këta futbollist:

  1. Marjan Maxharoski
  2. Jasir Bajrami
  3. Fatmir Arifi
  4. Flakron Ajdari
  5. Edis Maliqi
  6. Fisnik Zuka
  7. Ermedin Ademi
  8. Mevlan Adili
  9. Besar Iseni
  10. Armend Çajani
  11. Filip Janevski
  12. Xhihan Seferi
  13. Miran Maksuti
  14. Imerxhan Jusuf
  15. Husein Demiri
  16. Hetem Arsllani