Shkupi kthehet me një pikë nga Prilepi

Shpërndaje:


Skuadra e Shkupit ka mundur shumë lehtë të kthehet nga Prilepi me tri pikë ndaj Pobedës, pasi që në duelin e të shtunës të përzgjedhurit e trajnerit Ardian Nuhiu për mrekulli kanë menaxhuar me lojë, e cila është luajtur në stadium tepër të papërshtatshëm por edhe me erën e cila nuk lejonte që lehtë të kontrollohet topi.

Edhe pse në pjesën e parë ishin nikoqirët ata të cilët më shumë sulmuan, por taktika e vendosur mirë e trajnerit Nuhiu, bëri që Shkupi të arrijë e para deri të avantazhi.

Fillimisht Florian Kadriu kishte një depërtim të mrekullueshëm nga ana e majtë, por goditjen e tij e pret me sukses portieri nikoqir. Ndërsa në minutën e 31-, Muharem Bajrami nga rivënia këndore asiston për Dimitrija Llazarevskin për ti dhënë epërsi Shkupit. Deri në fund të pjesës së parë Shkupi kishte edhe disa gjysmë raste, por me këtë rezultat u shkua në pushim.

Edhe pjesa e dytë filloi me të njëjtin ritëm të lojës, por tani Pobeda ishte e detyruar të hedhet në sulm, ndërsa Shkupi me kundërsulme përsëri rrezikonte shpesh.

Nga një rivënie këndi, kur nuk pritej se do të jetë rrezik për Zendelin, topi nga era merr një trajektore të kundërt dhe portieri shkupjan që shpesh është dhe hero i ekipit, nuk e arriti të kontroll topin, që përfundoi në rrjet.

Deri në fund të ndeshjes Shkupi kishte dhe disa raste përmes Bunjamin Shabanit dhe Besar Isenit, ndërsa një goditje shumë precize kishte edhe Jasir Asani.

Sigurisht se Shkupi edhe pse kishte mundësi për të marrë tri pikë, është e kënaqur nga barazimi, duke mbetur edhe më tutje një pozitë më lartë se Pobeda me 22 pikë, ndërsa kjo e fundit është në pozitën e tetë me 20 pikë.

Kjo ishte ndeshja e katërt e Shkupit pa disfatë, ndërsa dueli i radhës do të luhet në stadiumin e Çairit në Shkup pas dy javëve, kur mysafire do të jetë ekipi i Pelisterit.

2021/22

KAMPION TË MAQEDONISË SË VERIUT

1998/99

KAMPION TË MAQEDONISË

1999/00

KAMPION TË MAQEDONISË

2000/01

KAMPION TË MAQEDONISË

1995/96

FITUES I KUPËS SË MAQEDONISË

1999/00

FITUES I KUPËS SË MAQEDONISË

2003/04

FITUES I KUPËS SË MAQEDONISË

SPONZORËT