Shkupi mundi edhe “Carat” e Resnjës

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Nuk ka të ndalur skuadra e Shkupit, edhe në ndeshjen e xhiros së 5-të, të Ligës së Dytë ka shënuar një fitore të merituar, kësaj radhe viktimë e shkupjanëve ishte ekipi i Mlladost Carev Dvor, që u mund me rezultatin 3:1.

Edhe pse nikoqirët në fillim nisën furishëm dhe tentuan të shfrytëzojnë terrenin e papërshtatshëm që për ta ishte shumë i njohur, në portën e Shkupit jo rastësisht është gardiani më i mirë në Maqedoni, Suat Zendeli, që me disa intervenime magjike ndali disa goditje të një pas njëshme.

Dhe kur gjithçka erdhi në vendin e vet, Shkupi nisi dominimin nga minuta e 21, kur dhe u shënua goli i parë i ndeshjes, ndërsa këtë e bëri Dimitrija Llazarevski, i cili nga një distancë prej 20 metrash ka shashtrisur portierin nikoqir.

Që Shkupi rritë talentet më të mëdhenj të kampionatit, këtë me lojë e dëshmoi 17-të vjeçari Besir Iseni, i cili me një lojë maestrale dhe të qetë, arriti që edhe të shënojë golin e tij të parë në kampionat, ndërsa kjo ndodhi në minutën e 37-të. Në pjesën e parë edhe një rast të mirë kishte Besir Demiri, por që vetëm një minutë para se të përfundojë pjesa e parë, nuk arriti që të rrisë epërsinë.

Pjesa e dytë përsëri filloi me sulme të shpejta dhe të rrezikshme të Shkupit, por në minutën e 76-të një dekoncentrim i vogël imbrojtjës, bëri që Mlladost të shpresoj se do të barazoj. Mirëpo në skenë doli dyshja Nuhiu – Maznov, e që i pari realizoi një kalim të shpejt dhe asist të sakt, ndërsa Maznov tregoi klasin e lojtarit me përvojë për të kaloi një mbrojtës, pastaj dhe portierin dhe të shënoj golin e tretë për Shkupin. Kjo ishte minuta e 80-të, që tregoi se Shkupi po radhit edhe fitoren e radhës dhe vazhdon të “shkel” gjithçka që i del para.

Futbollistët tani do të kenë dy ditë pushim të merituar, ndërsa me stërvitjet për ndeshjen e radhës që luajnë ndaj “Skopjes” në Çair, fillohet të martën. / fcshkupi.com/

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!