Shkupi nuk e bëri mall liderin

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Shkupi nuk e bëri mall liderinEdhe pse mysafirët të parët kaluan në epërsi në minutën e 12-të me anë të golit që shënoi Elmir Mandak, kjo nuk i ç’rregulloi aspak “pëllumbat” të cilët shumë shpejt konsoliduan radhët e tyre dhe nëpërmjet Mumin Sallait barazuan rezultatin në 1:1

Skuadra e Shkupit ka treguar forcën e vërtetë pikërisht në ndeshjen përballë liderit të tabelës së Ligës së Dytë, duke e mundur me rezultat të thellë Sileksin 4:1. Edhe pse stadiumi i Çairit nuk ishte shumë i përshtatshëm për lojë, pasi që të reshurat e mëdha të shiut e kishin dëmtuar dukshëm fushën, por kjo nuk ndali një numër të konsiderueshëm të tifozëve që të përkrahin ekipin e tyre të zemrës.

Edhe pse mysafirët të parët kaluan në epërsi në minutën e 12-të me anë të golit që shënoi Elmir Mandak, kjo nuk i ç’rregulloi aspak “pëllumbat” të cilët shumë shpejt konsoliduan radhët e tyre dhe nëpërmjet Mumin Sallait barazuan rezultatin në 1:1 në minutën e 37-të.

Në pjesën e dytë gjithçka ishte më lehtë. Të udhëhequr nga kapiteni, Suad Zendeli i cili pas golit të pranuar ishte enigmë e pazgjedhur për mysafirët, duke bërë disa intervenime bravuroze, në fund të ndeshjes mbrojti edhe penallti.

“Truri i ekipit”, Muharrem Bajrami e riktheu rezultatin pozitiv në 2:1 në minutën e 49-të. Ndërkohë, në 3:1 epërsinë e rriti më i vjetri në radhët e Shkupit, Goran Stankovski, ky gol u shënuar në minutën e 66-të. Rezultatin përfundimtar Shkupi 4 Sileksi 1 e shënoi, rezervisti Mentor Idrizi, i cili shumë mirë u gjet para portës së Sileksit duke shënuar në minutën e 85-të.

Me lojë të mirë u dallua edhe Florent Osmani, i cili asistoi dy herë, golin e Stankovskit dhe Idrizit, ndërsa nuk kishte fat pasi që një herë goditi shtyllën pas një goditjeje shumë të fortë.

 Me një fjalë, të gjithë të përzgjedhurit e trajnerit Zekirja Ramadani zbatuan deri në fund detyrat dhe me meritë bënë që lideri të gjunjëzohet para tyre. / fcshkupi.com

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!