Në ndeshje dramatike skuadra e FC Shkupi shënoi fitore dhe tri pikë të reja në duelin e zhvilluar në stadiumin e Çairit, me rezultat 4-3 (2-2).
Këtë ndeshje e ka komentuar trajneri i ekipit, Muharrem Bajrami, i cili edhe një herë ka potencuar se ka mbetur i kënaqur nga ekipi, por duhet përmirësuar disa gabime që ndodhën në duelin e sotëm.
I kënaqur me tre pikët e fituara, andaj dua përsëri që të uroj futbollistët edhe pse ishim me rezultat negativ, ata në asnjë moment nuk u dorëzuan dhe fitorja erdhi në fund. Patjetër duhet të përmirësojmë shumë gjëra në ndeshjet e ardhshme. Ne në aspekt të lojës bëmë edhe gabime sot të cilat do ti analizojmë, që të mos na përsëriten. Nga ky moment tani i gjithë fokusi do të jetë për ndeshjen e së mërkurës, ku na pret dueli i 1/16 të finales, ku do të luhet vetëm një ndeshje dhe nuk ka mundësi për të përmirësuar gabimet, andaj e marrim me shumë seriozitet secilën sfidë që është para nesh”, ka thënë Muharrem Bajrami.
Kujtojmë se skuadra e FC Shkupi të mërkurën luan ndeshjen e kupës së Maqedonisë së Veriut nga Sllogës së Vinicës si mysafire.
