Shkupi – Shkëndija kontrolluesja parasezonale

Share:
Share on facebook
Share on whatsapp
Share on telegram
Share on twitter
Share on email

Ka mbetur vetëm edhe një javë deri në fillim të sezonit të ri futbollistik të Ligës së Parë të Maqedonisë dhe skuadra e FC Shkupi po përmbyll fazën përgatitore. Ndeshja e fundit kontrolluese do të luhet të dielën (02.08.2015), ku për mysafire në Çair do të jetë skuadra e Shkëndijës së Tetovës.

Dy skuadrat që njihen për vite të gjata për një bashkëpunim të mirë, kontrolluesen gjenerale para fillimit të kampionatin e kishin vendosur ta luajnë mes vete.

Ndeshja në fjalë do të jetë një rast i mirë që skuadra e FC Shkupi të prezantojë ekipin që do të garojë në sezonin e ri.

Të përkujtojmë se Shkupi deri më tani ka zhvilluar pesë ndeshje kontrolluese, prej të cilave dy i ka fituar, dy i ka humbur dhe e kishte filluar me një barazim.

Ndeshja FC Shkupi – Shkëndija Tetovë luhet të dielën në stadiumin e Çairit me fillim në orën 18:00.