Shkupi zhvilloi stërvitjen e parë në Armeni

Skuadra e FC Shkupit pas një udhëtimi nga Stambolli për në Erevan të Armenisë, sot ka zhvilluar dhe stërvitjen e parë në qytetin Gymri, aty edhe ku do të luhet ndeshja e së enjtes kundër ekipit të Pyunik-ut.

Të enjten me fillim në orën 15:30 minuta sipas kohës sonë në Maqedoni (17:30 sipas kohës lokale në Armeni), Shkupi zhvillon ndeshjen e parë në kuadër të kualifikimeve të Ligës së Evropës.

Futbollistët pasi që u ambientuan në hotelin Olipmik të qytetit të Gymrit, pasdite ka zhvilluar dhe stërvitjen e parë në stadiumin e akdameisë të skuadrës Shirak Gymri.

Me një intensiitet më të lehtë dhe me më pak ngarkesë, trajnëri Umit Karan dhe stafi i tij u dhanë këshillat futbollistëve për tu ambientuar në këtë qytet, që shpesh herë rrëmbehet nga erërat e fuqishme, e që kështu ishte edhe gjatë kësaj stërvitjeje.

Stërvitjën e nesërme ekipi do ta zhvillon në stadiumin e Gymrit në kohën zyrtare kur edhe luhet ndeshja.