Takimin me Borecin e luajmë të shtunën në Çair

Federata e Futbollit të Maqedonisë së Veriut javë më parë bëri të ditur kalendarin për sezonin e ri garues 2019/20 në LPFM, duke lënë si start të kampionatit datën e 11 gushtit (e diel). Në situatë kur data 11 gusht përfshinë ditë feste për myslimanët, ku festohet Kurban Bajrami, drejtuesit e klubit tonë kanë bërë kërkesë deri tek komisari për gara pranë FFM-së, për të ndryshuar orarin e ndeshjes së parë kundër Borecit. 

Nga FFM kanë aprovuar kërkesën e klubit dhe ndeshja ndërmjet FC Shkupit dhe Borecit është zhvendosur të zhvillohet me 10 gusht (e shtunë), në stadiumin e Çairit, duke nisur nga ora 17:30.