Skuadra e FC Shkupit ka vazhduar me stërvitjet e zakonshme edhe gjatë kësaj jave, pasi kampionati vazhdon të jetë në ndërprerje shkaku i angazhimit të përfaqësueses së vendit në ndeshjet kualifikuese në kuadër të evropianit “EURO 2024”.
Në mungesë të ndeshjeve kampionale, ekipi nga Çairi ka aranzhuar një ndeshje kontrolluese, ku për kundërshtar do të ketë ekipin e kategorisë së dytë, “Skopjen” nga Shkupi.
Kjo ndeshje do të jetë një mundësi e mirë për trajnerin Mlladen Zhizhoviç që të ruajë formën e skuadrës, njëkohësisht për tu dhënë shansin edhe futbollistëve të cilët nuk kishin shumë hapësirë në ndeshjet kampionate.
Dueli Skopje – Shkupi do të luhet të shtunën me fillim në orën 13:00, në stadiumin “Hekurana”.
