Tipuriç dhe Emre Can të gatshëm për debutim

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Futbollistët e FC Shkupit prej sot u janë kthyer stërvitjeve dhe po përgatiten për sfidën e të dielës, kur në Manastir do të jenë mysafir të skuadrës së Pobedës, ndeshje kjo që do të luhet në kuadër të javës së 21 të LPFM-s.

Lajm i mirë për trajnerin Ardian Nuhiu por edhe për vet tifozët, është se sot është kompletuar dokumentacioni edhe për dy përforcimet e fundit Toni Tipuriç i cili luan në rolin e mbrojtësit të fundit dhe Emre Can Atila që luan sulmues krahu, të cilët do të kenë të drejtë paraqitje që nga ndeshja e të dielës.

Trajneri Nuhiu mes tjerash ka thënë se dy futbollistët kanë treguar ngritje në punën e tyre gjatë kësaj faze sa kishin kohë për të punuar dhe shpreson se do të jenë të gatshëm për duelet e radhës.

“Kemi punuar me dy futbollistët në vazhdimësi dhe nga ajo që kanë treguar deri më tani jam shumë i kënaqur. Sigurisht se nuk është lehtë edhe për futbollistët që menjëherë të mësojnë organikën e lojës së skuadrës, andaj do të shkojmë në hapa të sigurt dhe do të shohim momentin e duhur se kur do të jenë të gatshëm për tu inkuadruar në formacion”, ka thënë Nuhiu.

Të përkujtojmë se ndeshja Pobeda – Shkupi është vendosur të luhet në stadiumin “Pod tumbe kafe” në Manastir me fillim nga ora 14:00.

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!