Tribuna e vjetër e gjitha me ulëse, ndihma vjen nga FFM

Share:
Share on facebook
Share on whatsapp
Share on telegram
Share on twitter
Share on email

Tani kur kampionati është në pauzë dy javore, ndërsa ndeshjet kampionate dhe më tutje po zhvillohen pa praninë e shikuesve, e gjithë kjo shkaku i pandemisë së COVID-19, Federata e Futbollit të Maqedonisë së Veriut, ka bërë edhe një donacion të radhës për ekipin tonë, duke i dhuruar edhe 1.000 ulëse të reja për tribunën e vjetër. Gjithashtu nga federata do të bëhen edhe ndërrimi i ulëse të vjetra.

Ky është edhe një gjest tjetër i FFM-s, e cila ka vazhduar të ndihmojë në përmirësimin e kushteve infrastrukturore të klubeve në vendin tonë, e ku së fundi pjesë e saj është edhe ekipi ynë, pasi që tani më po zhvillohet faza e fundit për përfundimin e punimeve të tribunës së re, e cila është donacion i UEFA, FFM dhe Komuna e Çairit.

Kryesia e FC Shkupit publikisht falënderon Federatën e Futbollit të Maqedonisë së Veriut, duke mbetur me shpresë që do të kemi edhe ndihma të tjera lidhur me përmirësimin e infrastrukturës në stadiumin e Çairit, që është një nga stadiumet që ka më së shumti shikues në vendin tonë.