Xhiroja e 14-t, raporti i takimit FK Sileks vs FC Shkupi

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Ndeshja e xhiros së 14-t në Ligën e Parë të Futbollit të Maqedonisë së Veriut nuk ka shkuar ashtu siç dëshiruam, pasi u mundëm nga FK Sileksi me një gol të vetëm në minutën e 3-të të takimit. Ekipi tregoi karakter dhe luftoi deri në fund për të gjetur barazimin, por nuk arritëm që të tundim rrjetën e kundërshtarëve që më shumë qëndruan në mbrojtje dhe zvarriteshin në fushë për të humbur kohën.

Ndeshjen në Kratovë nuk e nisëm mirë, kur pas vetëm 3 minuta lojë u ndëshkuam me gol nga vendasit që realizuan përmes Milosh Zheravicës që çoi në epërsi 1:0 Sileksin. Në vijim bardheblutë krijuan disa raste në portën e kundërshtarit, por pa gjetur kuadratin. Në minutën e 21-të edhe Marin Jurina tentoi me kokë, mirëpo nuk rrezikoi portën e Daniel Bozhinovskit. Deri në fund të takimit nga të dyja anët kishte raste, por 45 minutat e para u mbyllën me rezultatin e minutës së 3-të.

Pjesën e dytë e nisëm me shans, kur nga një gjuajtje e lirë, harkon bukur Sergio, ndërsa me kokë nuk arrin të dërgon topin në rrjetë Jurina. Në minutën e 63-të kishim rastë të mirë, por gjuajtja e Sergios nga jashta zona shkoi skaj shtyllës. 10 minuta më vonë rastin tjetër e kishte Fatjon Jusufi, por tentimi i tij nuk shkoi më shumë se deri në duart e portierit vendas. Sileksi dukej i lodhur dhe i tërhequr më shumë në mbrojtje, ndërsa ekipi në vazhdimësi kontrollonte lojën dhe kishte dominimin e topit. Në të 84-t Krivanjeva nga brenda zona, nuk arriti që të gjejë kuadratin. Vendasit gjatë gjithë ndeshjes, por veçanarisht në pjesën e dytë gjenin mënyrën e zakont për tu zvarritur nëpër fushë, duke shfrytëzuar momentin për të pushuar. Deri në mbyllje të takimit kishim edhe një rast, ku në shtesat Jurina u gjet mirë në zonën e kundërshtarëve, por tentimi i tij shkoi skaj shtyllës, duke u ndarë kështu në fund me disfatë nga kjo përballje.

Në vijim kampionati kalon në pauzë për shkak të ndeshjeve ndërkombëtare, ndërsa takimin e radhës në kampionat e luajmë kundër Vardarit me 21 nëntor.

More to explorer

Eliminohemi nga Kupa në çerekfinale

Skuadra jonë edhe pse favorite në ndeshjen ndaj Akademia Pandevit nuk arriti që të bëjë edhe një hap tjetër drejt gjysmëfinales. Në

Regjistrohu tani

Bëhuni anëtar i komunitetit tonë në internet dhe merrni më shpejt bileta për ndeshjet e ardhshme ose ngjarjet sportive!